Дороги діти,
в минулим тижни читали сте, як пририхтувати ся до Сповіди.
Тепер підеме кус дальше. Коли хочеме пригадати собі свої гріхи, найперше звертаме ся в молитві до Святого Духа і просиме Його о поміч. Може то бити на приклад молитва „Царю небесний”, яку юж знате на памят.
По молитві читаме текст „Іспит совісти” (Rachunek sumienia) зо сторони 31-32 і задумуєме ся над тим, чи вчинили зме дахи гріхи, яки сут там виписани.
Як пригадаме си гріхи, товдиль за них жалієме, бо прецін могли зме нима дакого скривдити і предо вшитким зневажити самого Господа Бога.
Прочитайте тіж, як має виглядати Свята Сповідь на стороні 30.