Добриден!
На тот тыжден пропоную, жебы сте прочытали верш русиньского будителя Александра Духновича, котрий вродил ся 24 квітня 1803 рока. Авдиция "Радийочытальня" о Александрі Духновичу буде в тоту суботу 2 мая о 18.00 годині. Запрашам до выслуханя і поздаравлям Вас сердечні!
Александер Духнович
Младіст
Посмотрий мій сыне
Пшеничку на поли,
Як прекрасно квитне,
Дозріват по воли.
Колосок єй біжыт
Вгору, як прут просто,
Горі главу держыт
І плават радостно.
Де вітрик задуват,
Він на тоту страну
Легонько ся кланят,
На ліву, на праву;
Але як пристане
Пшеничка на поли,
Колос главу зогне,
І уж є по воли;
Бо уже ся валит
Зерном наполнений,
Дармо ся не хвалит,
Остане смиренний.
Долов главу спустит,
Вітер го не здавит,
Грубий корін пустит,
Сьміло ся поставит.
Так молодий двигат
Головку порожню,
А старий похылят
Од розума важну,
Так молодий хлопец
За вітрами спішыт,
А премудрий старец
Хвалом ся не тішыт.